Yanga kujificha huku kuelekea mpambano wa watani

Yanga itaweka kambi Pemba kujiandaa na mechi dhidi ya
watani wake Simba, Oktoba Mosi.

Tayari mechi hiyo imekuwa gumzo nchini hata kabla ya timu hizo kumaliza mechi zao za wikiendi ijayo.

Taarifa zimeeleza, kambi ya Pemba imeonekana kuwa na baraka zaidi kwa Yanga ambayo msimu uliopita iliichapa Simba ‘nje ndani’.

“Kila kitu kinaonyesha hivyo, kambi itakuwa Pemba. Lakini ni suala la kusubiri sasa, tutajua nafikiri ndani ya siku mbili,” kilieleza chanzo.


“Hata kocha anavutiwa na kambi ya Pemba pia ushirikiano wa wanachama na mashabiki kule ni mkubwa.”