Kukosekana kwa Mwanjali imekua pengo kwa Msimbazi, hii hapa michezo waliyopoteza bila uwepo wake

Beki wa kati wa Simba, Method Mwanjali amedhihirisha umuhimu wake ndani ya timu hiyo baada ya kubainika amekuwa akiigharimu kila anapokosekana dimbani.

Mwanjali yupo nje ya uwanja akiuguza majeraha baada ya kuumia wakati wa mechi ya Ligi Kuu Bara dhidi ya Prisons iliyochezwa Februari 11.

Katika michezo mitano ambayo beki huyo alikosekana uwanjani, Simba imeshinda michezo miwili ambao ni ushindi wa mabao 2-1 dhidi ya Yanga na ushindi wa mabao 3-2 dhidi ya Mbao FC.

Pili ililazimishwa sare ya 2-2 na Mbeya City na suluhu ya 0-0 dhidi ya Toto Africans, huku ikipoteza mchezo mmoja kwa kuchapwa mabao 2-1 na Kagera Sugar.

Pia katika michezo hiyo, safu ya ulinzi ya Simba iliruhusu wavu wao kuguswa mara tano mwenendo ambao haukuonekana katika mechi ambazo Mwanjali alikuwemo kikosini.